BQO-da jeltoqsan aıynda 1,2 myńnan astam adam zerthanalyq tekserýden ótti
ORAL. QazAqparat – Batys Qazaqstan oblysynda jeltoqsan aıynda 1 227 adam kovıdke zerthanalyq tekserýden ótti, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, indet bastalǵannan beri 217 867 adamnan synama alynǵan.
Kúni búgin oblys PTR dıagnostıkasy úshin 52 916 zertteýge arnalǵan 1 053 test júıesimen qamtamasyz etilgen.
Turǵyndar arasynda koronavırýs juqpasy taralýynyń aldyn alý jáne ony ýaqtyly anyqtaýda zerthanalardyń róli erekshe.
Óńirde COVID-19-ǵa PTR ádisimen testileý ótkizýge arnalǵan 10 zerthana jumys isteıdi, atap aıtqanda:
QR DSM SEBK «Ulttyq saraptama ortalyǵy» ShJQ RMK BQO boıynsha fılıaly;
ShJQ «Oblystyq kópbeıindi aýrýhana» MKK;
«Olımp» KDZ;
ShJQ «Bórli aýdandyq aýrýhanasy» MKK;
«Medıtsınalyq ortalyq» JShS;
QR DSM AQIUǴO ShJQ RMK «Oral obaǵa qarsy kúres stantsııasy» fılıaly;
«SVA Intertıch» JShS;
«INVIVO» JShS;
Jáńgir han atyndaǵy BQATÝ;
«A-Class Medical» JShS (kelisimshart boıynsha).
Turǵyndarǵa yńǵaıly bolýy úshin zerthanalardyń mekenjaıy men jumys ýaqyty stopcovid.kz saıtynda ornalasqan. PTR testileýdiń baǵasy 6 myń teńgeden bastalady.
Departamenttiń málimdeýinshe, Batys Qazaqstan oblysy COVID-19 koronavırýs ınfektsııasy boıynsha epıdemıologııalyq jaǵdaıdy baǵalaý matrıtsasyna sáıkes «jasyl aımaqta».
Іndet bastalǵaly oblys boıynsha COVID-19-dy 8 344 adam juqtyrǵan, onyń ishinde sımptomdarmen – 4 152, sımptomsyz – 4 192 jaǵdaı.
Ótken táýlikte óńirde 40 adam koronavırýspen tirkeldi, sonyń ishinde 25-inde aýrý belgileri bar bolsa, qalǵan 15-i – sımptomsyz. 17 adamnan JRVI belgilerimen tekserilgen kezde anyqtalsa, 20-sy buryn aýyrǵandarmen qarym-qatynasta bolǵan. Profılaktıkalyq maqsatta tekserilgen 1, epıdemıologııalyq qadaǵalaý maqsatynda synama alynǵan 2 adamnan indet tabyldy.
Eske sala keteıik, Oralda jeksenbi kúni de avtobýs júretin boldy.
