BQO-da jel mekteptiń shatyryn julyp áketti
ORAL. QazAqparat - Batys Qazaqstan oblysynda kúshti jel úıler men mekteptiń shatyryn julyp áketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe saǵat 16.10-da Báıterek aýdanynda boldy.
Atap aıtqanda, Kóshim aýyldyq okrýgine qarasty Órken eldi mekeninde Abylaı han kóshesi 17-mekenjaıynda qospáterli bir qabatty turǵyn úıdiń 50 sharshy metrdi qamtyǵan shatyry qulady. Úıdiń jalpy alańy - 172 sharshy metr. Munda jeldiń jyldamdyǵy sekýndyna 12 metrge jetken.
Sondaı-aq Mıchýrın aýyly Qazaqstan kóshesi 1-mekenjaıynda oryn tepken úsh qabatty orta mekteptiń shatyry (aýmaǵy - 240 sharshy metr) julyndy. Ǵımarattyń jalpy alańy - 6 myń sharshy metr.
Osy aýyldaǵy Svetlaıa kóshesi 16-mekenjaıynda qos qabatty turǵyn úıdiń shatyry da (150 sharshy metr) sypyrylyp tústi. Úıdiń jalpy alańy - 150 sharshy metr.
Oral qalasyna tıip turǵan bul aýylda jeldiń ekpini sekýndyna 17 metrge jetken. Oqıǵalardan zardap shekkender joq.
Eske sala keteıik, budan buryn Shalqar kólinde jeldiń áserimen úrlemeli qaıyqpen yǵyp ketken tórt adamnyń qutqarylǵanyn jazǵan bolatynbyz.
