BQO-da jel kúsheıip, naızaǵaı oınaıdy
ORAL. QazAqparat - «Qazgıdromet» RMK BQO fılıalynyń málimeti boıynsha 25-26 maýsym kúnderi óńirdiń keı jerlerinde qatty daýyl soǵyp, naızaǵaı oınaıdy, dep habarlaıdy QazAqparat tilshisi.
Burshaq jaýýy yqtımal, soltústikten soǵatyn jeldiń jyldamdyǵy sekýndyna 15-20 metrge jetpek.
Oblys ortalyǵy Oral qalasynda da osyndaı aýa raıy oryn almaqshy. Jeldiń ekpini sekýndyna 18 metrge jetýi múmkin.
Osyǵan baılanysty BQO TJ departamenti eskertý jarııalady.
Turǵyndar arasynda tótenshe jaǵdaılardy boldyrmaý maqsatynda tıisti sharalar qolǵa alynýda.
Eske sala keteıik, budan buryn kúnniń 43 gradýsqa deıin ysıtynyn jazǵan bolatynbyz.
Keshe Oralda temperatýra tili 37 gradýsty kórsetti.
BQO TJ departamentinen túsken málimetke qaraǵanda, 20 maýsymnan beri óńirde V dárejeli tótenshe joǵary órt qaýipi saqtalyp otyr.
