BQO-da jel kúsheıip, kóktaıǵaq bolady
ASTANA. QazAqparat - "Qazgıdromet" RMK BQO fılıalynyń málimetine qaraǵanda, 11-12 naýryz kúnderi keı jerlerde ońtústik-batystan soǵatyn jeldiń jyldamdyǵy sekýndyna 15-20 metrge deıin jetedi, dep habarlaıdy QazAqparat tilshisi.
Sondaı-aq, qalyń tuman túsip, kóktaıǵaq bolady.
Oral qalasynda da osyndaı aýa raıy oryn alyp, jeldiń ekpini sekýndyna 18 metrge deıin jetýi yqtımal.
Osyǵan baılanysty BQO TJ departamenti eskertý jarııalady.
"Turǵyndar arasynda tótenshe jaǵdaılardy boldyrmaý maqsatynda tıisti sharalar jasalýda", dep habarlady departamenttiń baspasóz qyzmetinen.
Eske sala keteıik, budan buryn óńirde qar tez erip, ózenderde muz qabaty álsirep, aǵyn sýlar kóbeıetini jóninde jazǵan bolatynbyz.
