BQO-da jel kúsheıip, burqasyn soǵýy yqtımal
ORAL. QazAqparat - «Qazgıdromet» RMK BQO fılıalynyń málimetine qaraǵanda, 22-23 naýryz kúnderi óńirdiń keı jerlerinde soltústik-batystan soǵatyn jeldiń jyldamdyǵy sekýndyna 15-20 metrge deıin jetedi, dep habarlaıdy QazAqparat tilshisi.
BQO TJ departamentinen habarlaǵanyndaı, tuman túsip, burqasyn kóterilip, kóktaıǵaq bolýy da yqtımal. Oral qalasynda da jeldiń ekpini sekýndyna 18 metrge deıin jetip, osyndaı aýa raıy oryn almaq.
Kún búgin de buzylyp, jaýyn búrkip, kóktaıǵaq bolǵaly tur.
Qazirgi kezde turǵyndar arasynda tótenshe jaǵdaılarǵa jol bermeý maqsatynda qaýipsizdik sharalary alynýda.
Eske sala keteıik, keshe kóktaıǵaqqa baılanysty Oral-Atyraý, odan keıin Jympıty-Aqtóbe baǵytyndaǵy tas joldar jabylǵan bolatyn.
