BQO-da jel kúsheıip, burqasyn bolady
ORAL. QazAqparat - Batys Qazaqstan oblysynda aýa raıynyń buzylatyny jóninde eskertý jarııalandy, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, erteń óńirde kún jaýyn-shashyndy bolady.
Keı jerlerde burqasyn soǵyp, kóktaıǵaq bolady.
Soltústik-batystan soǵatyn jeldiń jyldamdyǵy sekýndyna 15-20, keı jerlerde 25 metrge deıin jetedi.
Oralda da aýa raıy buzylmaqshy.
Osyǵan baılanysty BQO TJ departamenti tótenshe jaǵdaılardy boldyrmaý maqsatynda tıisti sharalar alynyp jatqandyǵyn jetkizdi.
