BQO-da jeke úıdegi órt ornynan áıel men onyń eki qyzynyń múrdesi tabyldy
ORAL. QazAqparat – Batys Qazaqstan oblysynda jeke úıdegi órt ornynan áıel men onyń eki qyzynyń múrdesi tabyldy, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń aıtýynsha, qaıǵyly oqıǵa Tasqala aýdany Aqtaý aýylynda bolǵan.
9 sáýir kúni túngi saǵat 01.50-de úıdegi órtti sóndirý kezinde áıel men onyń eki jasóspirim qyzynyń kúıip ketken múrdesi tabyldy.
«Qylmysqa kúdikti retinde áıeldiń 1986 jylǵy kúıeýi ustaldy. Ózine-ózi qol jumsamaq bolǵan ol qazir aýrýhanada jatyr. Osy oqıǵa boıynsha QR QK 99-babyna (adam óltirý) sáıkes sotqa deıingi tergeý amaldary bastaldy», - dedi QazAqparat tilshisine B.Belgibekov.
Eske sala keteıik, budan buryn BQO-da aýdarylǵan avtokóliktiń 1 tonna balyq ákele jatqanyn jazǵan bolatynbyz.
