BQO-da «jedel járdem» qyzmetkerleri júregi toqtap qalǵan eki naýqasty qutqardy

ORAL. QazAqparat – Batys Qazaqstan oblystyq jedel járdem stantsııasynyń qyzmetkerleri sátti reanımatsııa júrgizýdiń nátıjesinde 58 jáne 62 jastaǵy eki patsıenttiń ómirin saqtap qaldy, dep habarlaıdy QazAqparat Densaýlyq saqtaý mınıstrliginiń baspasóz qyzmetine silteme jasap.

Shaqyrtý kezinde eki patsıenttiń de kenetten tynysy tarylyp, júrek qyzmeti toqtap qalady. Kóshpeli brıgadalardyń feldsherleri júrek yrǵaǵynyń buzylýy, klınıkalyq ólim dıagnozyn qoıdy.

Defıbrıllıatordy qoldana otyryp, birden reanımatsııalyq sharalar bastaldy. Saýatty kórsetilgen shuǵyl medıtsınalyq kómektiń nátıjesinde patsıentterdiń jaǵdaıy jaqsaryp, oblystyq kardıologııalyq ortalyqqa jetkizildi jáne odan ári emdeý úshin ortalyqtyń mamandaryna berildi.

Aıta ketsek, ómirdi saqtap qalý – jedel medıtsınalyq járdemniń negizgi fýnktsııasy jáne negizgi maqsaty. Ony iske asyrý úshin «jedel járdem» qyzmeti kadrlardyń biliktiligin arttyrý, materıaldyq jaraqtandyrý jáne jyldam jetýge barlyq kúsh-jigerin jumsaıdy.

Medıtsına qyzmetkerleri árbir 2 jyl saıyn halyqaralyq standarttarǵa sáıkes reanımatsııalyq is-sharalar, jaraqat alý kezinde shuǵyl kómek kórsetý daǵdylaryn úırenedi, ártúrli mýlıajdarmen jáne ádistemelik usynystarmen jabdyqtalǵan sımýlıatsııalyq kabınet jumys isteıdi.