BQO-da jedel járdem feldsherleri 60 jastaǵy er adamnyń ómirin saqtap qaldy
ORAL. KAZINFORM – Oblystyq jedel járdem stantsııasynyń feldsherleri klınıkalyq ólim jaǵdaıyna tap bolǵan er adamdy ajaldan aman alyp qaldy.
BQO Densaýlyq saqtaý basqarmasynyń baspasóz qyzmetinen málim etkenindeı, dıspetcherlik bólimshege 1964 jylǵy er adamǵa qatysty júrek aýrýy shaǵymymen shaqyrtý túsken.
Atalǵan shaqyrtý boıynsha medıtsınalyq kómek kórsetý kezinde naýqas kenetten klınıkalyq ólimge ushyraǵan. Feldsherler N.Eshimov pen D.Semǵalıeva dereý júrek-ókpe reanımatsııasyna kiristi.
- Jedel járdem qyzmetkerleriniń durys jáne ýaqytyly áreketteri arqasynda patsıenttiń óz betinshe tynys alý júıesi jáne júrek qyzmeti qalpyna keltirildi. Budan soń jedel járdem brıgadasymen naýqas oblystyq kardıologııalyq ortalyqqa aman-esen jetkizildi. Qazirgi tańda er adam tıisti em qabyldap jatyr, jaqyn arada aýrýhanadan úıine jiberiletin bolady, - dep habarlady vedomstvodan.
Eske sala keteıik, budan buryn Oralda jedel járdem kóligi apatqa ushyrap, 3 adamnyń zardap shekkenin jazǵan bolatynbyz.