BQO-da jazǵy demalysta 97 myńǵa jýyq oqýshy jumys istemek

ORAL. QazAqparat – Batys Qazaqstan oblysynda jaz mezgilinde 97 myńǵa jýyq oqýshy túrli baǵyttaǵy jumyspen qamtylmaq, dep habarlaıdy QazAqparat tilshisi.

BQO bilim basqarmasynyń basshysy Aıgúl Myńbaevanyń óńirlik kommýnıkatsııalar qyzmeti alańynda ótken brıfıngide málim etkenindeı, bul – barlyq oqýshylardyń 90,57 paıyzy.

Onyń aıtýynsha, sonyń ishinde 23 myńnan astam shákirt mektep aýmaqtaryn kógaldandyrý, aǵash otyrǵyzýǵa qatyssa, 16 myńǵa jýyǵy shyǵarmashylyq baǵytta eńbektenbek. 6 myńnan astamy sporttyq-týrıstik, 51 myńǵa jýyǵy zııatkerlik baǵyttaǵy jumystarmen aınalysady.

Jalpy, balalardyń jazǵy demalysyn uıymdastyrýǵa 45,111 mln teńge (ótken jyly – 38,426 mln) bólindi.

-Oblysta barlyǵy qala syrtynda 20 lager bolsa, onyń bireýi (Kaztalov aýdanynyń «Alaý» lageri apatty jaǵdaıda) jumys jasamaıdy. Qalǵan 19 lagerde 7 myńǵa jýyq, mektep janyndaǵy tamaqtanýy uıymdastyrylatyn 283 lagerde 29 myńnan astam oqýshy demalmaq. Sondaı-aq tamaq uıymdastyrylmaıtyn 292 lagerde 55 myńǵa jýyq, shatyrly lagerlerde 2 myńnan astam bala bolmaq. Oǵan qosa jekelegen sanattaǵy 29 myńǵa jýyq oqýshy demalyspen qamtylmaq, - deıdi A.Myńbaeva.

Basqarma basshysynyń sózine qaraǵanda, bilim sapasyn arttyrý, pandemııa, shekteý sharalary kezinde jiberilgen olqylyqtardyń ornyn toltyrý maqsatynda 1-8, 10-synyp oqýshylary úshin 26 mamyr men 17 maýsym aralyǵynda jazǵy mektep uıymdastyrylyp otyr. Ondaǵy sabaq túri: jobalyq qyzmet, zerthanalyq jumystar, taza aýadaǵy sabaqtar. Úıge tapsyrma berilmeıdi. Oqý pánderi boıynsha sabaqtyń uzaqtyǵy – 40 mınýt, kúnine 3-4 sabaq. Oqý protsesin júzege asyrý úshin volonter stýdentterdi tartýǵa ruqsat etiledi.

Oblys boıynsha bıyl 379 mektepte barlyǵy 114 258 shákirt oqý jylyn aıaqtady. Sonyń 5687-si (2021 jyly – 5916) – mektep túlketeri. 9250-i (2021 jyly – 8690) – 9 synypty bitirýshiler. «Altyn belgiden» 316 (2021 jyly – 430), úzdik attestattan 304 (2021 jyly – 185) túlek úmitker.

«Mektep túlekteriniń qorytyndy attestattaýy 27 mamyrda bastalady. 9 (10) synyp oqýshylarynyń qorytyndy bitirý emtıhandary 28 mamyr men 6 maýsym aralyǵynda ótedi», dedi A.Myńbaeva.

Eske sala keteıik, budan buryn Batys Qazaqstanda 4800-den astam túlektiń UBT tapsyratynyn jazǵan bolatynbyz.