BQO-da Jaıyq pen Shaǵannan basqa ózenderde aǵys qarqyny báseńdedi

ORAL. KAZINFORM – Batys Qazaqstan oblysynda ózenderdiń deninde tasqynnyń beti qaıta bastady.

«Qazgıdromet» RMK BQO fılıalynan málim etkenindeı, 30 naýryz kúngi tańǵy saǵat 08.00-degi aqparat boıynsha Jaıyq ózenindegi sý deńgeıi sońǵy táýlikte Bórli aýdany Jarsýat aýylynan basqa gıdrobeketterde kóterilgen.

Atap aıtqanda, Jarsýatta 327 sm (-16, qaýipti shegi – 1 myń sm) bolsa, Báıterek aýdany ıAnvartsev aýyly tusynda 265 (+50), Oraldaǵy gıdrobekette 254 (+25, 850 sm), Kóshimde 217 (+27), Aqjaıyq aýdany Mergen eldi mekeninde 373 (+23), Taıpaqta 109 (+5) santımetrdi kórsetti. 

Sondaı-aq Shaǵan ózeni Báıterek aýdany Chývashın aýylynda bir táýlikte 87 sm-ge kóterilip, 797 santımetrge (qaýipti shegi – 1 300 sm) jetti. Esesine Oral qalasyna jaqyn ornalasqan Mıchýrın aýylynda 9 santımetrge (445 sm) tómendedi.

Oblys boıynsha sońǵy táýlikte Shyńǵyrlaý men Shidertide sý deńgeıi sál-pál kóterilgenimen, basqa ózenderde aǵystyń báseńdegeni baıqalady. 

Eske sala keteıik, budan buryn sońǵy táýlikte Jaıyq ózenindegi sý deńgeıi 95 santımetrge kóterilgenin jazǵan edik.