BQO-da Jaıyq ózenindegi sý deńgeıi Jarsýat aýyly tusynda 460 santımetrden asty

ORAL. KAZINFORM — Batys Qazaqstan oblysynda Jaıyq ózenindegi sý deńgeıi Oral qalasynan basqa tusta kóterildi.

«Qazgıdromet» RMK BQO fılıalynyń 22 naýryz kúngi tańdaǵy málimeti boıynsha oblystyń bas ózeni Bórli aýdany Jarsýat aýylyndaǵy gıdrobekette bir táýlikte 46 sm joǵarylap, 462 santımetrge (qaýipti shegi – 1 myń sm) jetti.

Sol sekildi Báıterek aýdany ıAnvartsev eldi mekeninde 359 sm (+21 sm, qaýiptisi – 1 myń sm), Kóshimde 298 sm (+10, 850 sm), Aqjaıyq aýdany Taıpaq aýylynda 260 santımetrdi (+26 sm, 1 myń sm) kórsetti. Tek Oral qalasynda ózen deńgeıi 13 sm tómendep, qazir 270 santımetr bolyp tur.

Jaıyqqa quıatyn Shaǵan ózeni Báıterek aýdany Chývashın aýylynda 898 santımetrge (-17 sm) deıin tússe, Mıchýrınde 30 santımetrge (405 sm, qaýiptisi – 1 100 sm) kóterilgen.

Orynbor oblysyndaǵy Irekli qoımasynan Jaıyqqa sekýndyna 30 tekshe metr sý jiberilýde.

Óńirdiń basqa barlyq derlik ózenderinde sý deńgeıi túsken.

Eske sala keteıik, budan buryn Batys Qazaqstandaǵy ózender men sý aıdyndary qandaı jaǵdaıda ekendigin jazǵan bolatynbyz.