BQO-da Jaıyq ózeni bir táýlikte 1 metrden astam deńgeıge kóterildi

ORAL. KAZINFORM — Batys Qazaqstan oblysynda Jaıyq ózeni bir táýlikte 1 metrden astam deńgeıge kóterildi.

«Qazgıdromet» RMK BQO fılıalynan málim etkenindeı, oblystyń bas ózeni Báıterek aýdany ıAnvartsev aýyly tusynda bir táýlikte 141 santımetrge, sondaı-aq Oral qalasynda 117 santımetrge joǵarylap, sáıkesinshe 555 (qaýipti shegi – 1250 sm) jáne 574 santımetrge (850 sm) jetti.

Budan Reseı aýmaǵynan Jaıyq ózenine kóp sýdyń kelip jatqanyn baıqaýǵa bolady. Sonymen qatar Shyńǵyrlaý aýdanynda Elek ózeni Shilik tusynda 787 (+2, qaýipti shegi – 750 sm), Shaǵan Báıterek aýdany Chývashınde 1247 (+36, 1280-1300), Derkól Beleste 710 (+40, 600-650) santımetrge kóterildi. Oǵan qosa Kaztalov pen Jańaqala aýdandaryna baratyn Qaraózen men Saryózende de sý deńgeıi kóterilý ústinde. Qaraózen Kaztalov aýdany Qaıyńdy aýyly tusynda 927 santımetrge (+28, 1700 sm) jetti.

Báıterek aýdanynda Bykovka ózeni Qurmanǵazy aýyly tusynda 813 santımetrdi kórsetip, qaýipti shekten (810 sm) asyp ketti.

«2-4 sáýir kúnderi Batys Qazaqstan oblysynda aýa temperatýrasy +15-20 santımetrge deıin kóteriledi, soǵan baılanysty ózenderde sý deńgeıi qaýipti shekten asyp, jaıylmalarǵa shyǵyp, tasqyn bolýy yqtımal», - dep habarlady vedomstvodan.

BQO ákimdigi atalǵan aýmaqtarda qaýipsizdik sharalary kúsheıtilgenin jetkizdi. Sý tasqynyna baılanysty óńirde kúrdeli jaǵdaı qalyptasyp otyr. Syrym, Terekti, Qaratóbe, Bórli aýdandarynda turǵyn úıler sýǵa ketti.

Qabyldanǵan is-sharalar nátıjesinde 4 myńdaı adam evakýatsııalansa, sonyń teń jartysy – balalar. Sý tasqynynan zardap shekkenderge jedel evakýatsııalyq qosyndar uıymdastyrylyp, qajetti jaǵdaı jasalyp jatyr.

Eske sala keteıik, budan buryn Batys Qazaqstan oblysynda tótenshe jaǵdaı jarııalanǵanyn jazǵan bolatynbyz.

Sondaı-aq sý tasqynyna baılanysty Batys Qazaqstan oblysynda 10 eldi meken kólik qatynasy úzildi.