BQO-da Jaıyq deńgeıi Taıpaq gıdrobeketinde 8 metrden asty

ORAL. KAZINFORM - Batys Qazaqstan oblysynda Jaıyq ózeniniń deńgeıi Aqjaıyq aýdany Taıpaq gıdrobeketinde 805 santımetrge jetti.

«Qazgıdromet» RMK BQO fılıalynyń 3 mamyr kúngi tańǵy saǵat 08.00-degi málimeti boıynsha atalǵan aýylda sý deńgeıi bir táýlikte 55 santımetrge joǵarylady.

Esesine ózen boıyndaǵy basqa gıdrobeketterde sý deńgeıi túsip jatyr. Atap aıtqanda, Báıterek aýdany ıAnvartsev aýyly tusynda 6 (814 sm, qaýipti shegi - 1 250 sm), Oral qalasynda 7 (806 sm, 850 sm), Kóshimde 4 (823 sm, 850 sm) santımetrge tómendedi.

Kóshim kanalynda sý deńgeıi 813 (-3, qaýipti shegi - 800 sm) santımetrdi kórsetti.

Aqjaıyq aýdanynyń ákimi Murat Serdalın Jaıyq sýy saı-salany toltyryp jatqanyn, jalpy jaǵdaıdyń qalypty ekendigin jetkizdi.

Eske sala keteıik, budan buryn Batys Qazaqstanda sý basqan joldar qalaı qalpyna keltirilip jatqanyn jazǵan bolatynbyz.