BQO-da jaıaý júrginshilerge qatysty 39 jol-kólik oqıǵasy oryn aldy
ORAL. QazAqparat - Batys Qazaqstan oblysynda bıylǵy úsh aıda jaıaý júrginshilerdiń qatysty 39 jol-kólik oqıǵasy oryn alyp, sonyń saldarynan 4 adam qaza taýyp, 36-sy túrli jaraqat aldy, dep habarlaıdy «QazAqparat» tilshisi.
BQO ІІD jergilikti polıtsııa qyzmetinen túsken málimetke qaraǵanda, sonyń ishinde jaıaý júrginshilerdiń kinásinen 6 jol-kólik oqıǵasy tirkelip, 3 adam kóz jumyp, tórteýi jaraqat aldy.
Jol-patrýldik polıtsııa qyzmetkerleri jyl basynan beri jaıaý adamdardyń belgilenbegen jerden joldy kesip ótýine baılanysty 645 ákimshilik quqyqbuzýshylyqty anyqtady.
Qazirgi qalyptasqan jaǵdaıǵa baılanysty júrgizýshilerdiń jaıaý júrginshiler ótkelinde jol erejesin saqtaýyn (QR Ákimshilik quqyqbuzýshylyq kodeksiniń 615-baby) baqylaý kúsheıtildi.
Aıta keteıik, osy merzimde jaıaý júrginshini ótkizbegen 111 júrgizýshi QR Ákimshilik quqyqbuzýshylyq kodeksiniń 600-babyna sáıkes ákimshilik jaýapkershilikke tartyldy.
