BQO-da jasóspirimdi zorlady degen kúdikpen ustalǵan burynǵy sheneýnik kóz jumdy

ORAL. KAZINFORM - Batys Qazaqstan oblysynda 16 jastaǵy qyzdy zorlady degen kúdikpen ustalǵan burynǵy sheneýniktiń qaıtys bolǵany jóninde áleýmettik jelide málimet tarady.

Onda marqumnyń 16 naýryzda dúnıeden ótkeni, beısenbi kúni jerlenetini aıtylǵan.

BQO prokýratýrasynyń baspasóz qyzmeti málimetti rastady.

Eske sala keteıik, budan buryn BQO-da 16 jastaǵy qyzdy zorlaý deregi boıynsha qylmystyq is tergelip jatqanyn jazǵan bolatynbyz.

Sondaı-aq BQO-da burynǵy sheneýniktiń 16 jastaǵy qyzdy zorlady degen kúdikpen qamaýǵa alynǵany habarlandy.

Oral qalasy mamandandyrylǵan tergeý sotynyń qaýlysymen kúdikti eki aıǵa qamaýǵa alynǵan bolatyn.