BQO-da jasóspirimniń ólimi boıynsha qylmystyq is qozǵaldy
QazAqparat budan buryn jazǵanyndaı, Oralda jasóspirimniń ólimi boıynsha 14 jastaǵy bala ustalǵan bolatyn.
BQO polıtsııa departamenti baspasóz qyzmetiniń naqtylaýynsha, qazirgi kezde QR QK 106-baby 3-bóligine (abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirý) sáıkes sotqa deıingi tergeý amaldary jalǵasýda.
«Qylmystyq is boıynsha áli de saraptama júrgiziledi. Atalǵan bap boıynsha aıypty dep tanylǵan adam múlki tárkilenip nemese onsyz, segiz jyldan on eki jylǵa deıingi merzimge bas bostandyǵynan aıyrýǵa jazalanady», dep habarlady vedomstvodan.
Oqıǵa 28 mamyrǵa qaraǵan túni Oral qalasyna jaqyn ornalasqan Báıterek aýdany Şapov aýylynda bolǵan. Soqqy alǵan 15 jasar bala oblystyq kópbeıindi balalar aýrýhanasyna jetkizilgenmen, esin jımastan kóz jumdy.