BQO-da jasóspirimge temeki satqan áıelge aıyppul salyndy
ORAL. QazAqparat - Batys Qazaqstan oblysynda jasóspirimge temeki satqan áıelge aıyppul salyndy, dep habarlaıdy QazAqparat tilshisi.
BQO kámeletke tolmaǵandar isteri jónindegi mamandandyrylǵan aýdanaralyq sotynda QR Ákimshilik quqyqbuzýshylyq kodeksi 133-baby 1-bóligine sáıkes azamatsha A-ǵa qatysty ákimshilik iske núkte qoıyldy.
Іs qujattaryna sáıkes A. kámeletke tolmaǵan balaǵa temeki satqan.
Sot otyrysynda quqyq buzýshynyń kinási is qujattarymen dáleldendi. Sondaı-aq onyń ózi de kinásin moıyndady.
Sot qaýlysymen atalǵan áıelge 15 AEK kóleminde 36075 teńge aıyppul salyndy.
BQO sotynyń baspasóz qyzmetinen túsken málimetke qaraǵanda, qaýly zańdy kúshine engen joq.
Aıta keteıik, «Qazaqstan Respýblıkasyndaǵy balanyń quqyqtary týraly» Zańynyń 37-baby 4-bóligine sáıkes kámeletke tolmaǵan balalarǵa temeki buıymdaryn satýǵa tyıym salynady. Ony buzǵan satýshyǵa nemese saýda mekemesiniń ıesine aıyppul salynady.
