BQO-da jas muǵalim asýly kúıinde tabyldy
TEREKTІ. QazAqparat - Batys Qazaqstan oblysynda mektep muǵalimi asylyp qaldy, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen túsken málimetke qaraǵanda, oqıǵa Terekti aýdany Shaǵan aýyldyq okrýginiń Jańa Ómir aýylynda boldy.
«17 qyrkúıek kúni shamamen saǵat 09.30-da orman arasynan úıden 100 metr jerden 1998 jylǵy qyzdyń denesi tabyldy. Tekserý barysynda onyń muǵalim bolyp jumys istegeni anyqtaldy», - dedi polıtsııadan.
Belgili bolǵandaı, 21 jastaǵy qyz 16 qyrkúıek kúni saǵat 08.00-de óziniń «Folksvagen Vento» avtokóligimen jumysqa ketip, keshke úıine oralmaǵan. Telefon qońyraýyna jaýap bermegen. Ony asýly kúıinde 1984 jylǵy kórshisi qoqys shyǵarý kezinde tapqan.
Atalǵan oqıǵa boıynsha QR QK-niń 105-baby 1-bóligine sáıkes (ózin-ózi óltirýge deıin jetkizý) sotqa deıingi tergeý amaldary júrgizilýde.
Aýyl turǵyndarynyń sózine qaraǵanda, marqum aýylǵa jańadan kelgen jas maman. Dene shynyqtyrý pániniń muǵalimi bolyp jumys jasaǵan.
