BQO-da jas kelinshekti qaıynaǵasy zorlaǵan
ORAL. QazAqparat - Qaztalov aýdany Qarasý aýylynda 1995 jylǵy A. degen áıeldi zorlaǵan 1982 jylǵy J. degen turǵynǵa qatysty tergeý amaldary júrgizilýde, dep habarlaıdy «QazAqparat» tilshisi.
Jalpaqtal polıtsııa bóliminiń bastyǵy, polıtsııa podpolkovnıgi Saǵat Ǵabbasovtyń aıtýynsha, oqıǵa 30 mamyr kúni saǵat túngi 23.00 shamasynda oryn alǵan. Araq ishken J. A-nyń úıine kıim alamyn dep kelip, onyń jalǵyz júrgenin kórip, aram oıyn iske asyrǵan. Bul kezde áıeldiń eki jasar balasy jáne alty aılyq sábıi úıde bolǵan. Kúıeýi jumys jasaımyn dep qalaǵa ketken. Onyń ústine kúdikti A-ǵa jaqyn qaıynaǵasy bolyp keledi.
«Qazirgi kezde kúdikti kinásin moıyndady. Oǵan qatysty QR QK 120-baby 1-bólimi boıynsha qylmystyq is qozǵaldy. Bul bap boıynsha zorlyqshy 3 jyldan 5 jylǵa deıin bas bostandyǵynan aıyrylýy múmkin. Іs tergelip bitkennen keıin sotqa jiberiledi», - dedi «QazAqparat» tilshisine S. Ǵabbasov.
