BQO-da jas bosanǵan áıel kóz jumdy
ORAL. QazAqparat - Batys Qazaqstan oblysynda jas bosanǵan áıel kóz jumdy, dep habarlaıdy QazAqparat tilshisi.
Oqıǵa sáýir aıynda Jańaqala aýdandyq ortalyq aýrýhanada oryn alǵanymen, endi belgili bolyp otyr.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, 1975 jyly týǵan áıeldiń sábı joldasy mezgilinen erte ajyrap, sonyń saldarynan ol qansyraǵan. Magnezııaly terapııa júrgizilgennen keıin shuǵyl túrde kesar tiligi jasalǵan.
Aýdandyq jedel járdemge shaqyrtý 24 sáýir kúni saǵat 13.33-te túsken. Aýdandyq aýrýhanaǵa jetkizilgen áıel sol kúni saǵat 15.50-de kóz jumdy. Sharanany da aman alyp qalý múmkin bolmady.
Bul - óńirdegi bıylǵy birinshi qaıǵyly jaǵdaı. Ótken jyly osyndaı bir oqıǵa tirkelgen bolatyn.
