BQO-da jartylaı marafonnyń jeńimpazdary anyqtaldy

ORAL. QazAqparat – Syrym aýdany ortalyǵy Jympıty aýylynda alǵash ret «SYRYM HALF MARATHON» jarysy ótkizildi, dep habarlaıdy QazAqparat tilshisi.

Jartylaı marafonǵa Batys Qazaqstan oblysy ǵana emes, sondaı-aq Atyraý, Almaty, Astana qalalarynan jáne Reseıden kelgen jelaıaqtar qatysyp, baq synady.

Syrym aýdany ákiminiń orynbasary Artýr Sherǵalıevtiń atap ótkenindeı, bul eshkimdi de beı-jaı qaldyrmaǵan aýdannyń sporttyq ómirindegi eleýli oqıǵa boldy.

Barlyǵy 287 jelaıaq 3, 10 jáne 21 shaqyrym qashyqtyqtar boıynsha jarys jolyna shyqty.

Erler arasynda 21 shaqyrym qashyqtyqta (jartylaı marafon) Reseıdiń Volgograd oblysynan kelgen Egor Rýchnıkov (1:13:09) máre syzyǵyn birinshi bolyp qıdy. Almatylyq «Run time Almaty» tobynyń múshesi Ernur Beksultan odan 2 sekýndqa qalyp qoıdy. Jartylaı marafonnyń qola júldesin «SyrymRunners»-tiń atynan qatysqan óńirge tanymal jelaıaq Baýbek Іlııasov enshiledi. Kórsetkish – 1:18:26.

Al, áıelder arasynda kaztalovtyq Lázzat Tólepbergen men bórlilik Janerke Týdahýnova (1:36:18) birdeı ýaqyt kórsetip, birinshi oryndy ózara bólisti. Úzdik úshtikti atyraýlyq Aıgúl Ýálıeva (1:53:13) túıindedi.

Basqa qashyqtyqtar boıynsha kórsetkishter tómendegideı boldy.

3 shaqyrym (erler):

1. Erkebulan Atkashev (SyrymRanners),

2. Ilıa Kozlovskıı (Ushqun run club),

3. Rýslan Ábishov (BQO).

3 shaqyrym (áıelder):

1. Nuraı Altaı (Syrym aýdany, Josaly),

2. Anastasııa Sokolova (borli_ski),

3. Aıarý Amanǵalı (oteam Terekta).

10 shaqyrym (erler):

1. Jaras Aıtýar (Aqjayq run club),

2. Ersaıyn Qanybek (Astana),

3. Rıfhat Asylmuratov (BQO).

10 shaqyrym (áıelder):

1. Dıana Ásetova (Ushqun run club),

2. Aıman Sársenǵalıeva (Ushqun run club),

3. Vıktorııa Glıýtova (Aqjayq run club).

Qatysýshylarǵa medal, jeńimpazdar men júldegerlerge oǵan qosa syıaqy berildi. Marapattaý sharasyna Syrym aýdanynyń ákimi Tólegen Tóreǵalıev qatysty. Doda budan bylaı Syrym aýdanynda dástúrli túrde ótedi.

Eske sala keteıik, budan buryn 98 jastaǵy Venıamın Skalenkonyń aǵa býynnyń erligi men eńbegin umytpaý kerektigi týraly aıtqanyn jazǵan edik.

Sondaı-aq, BQO-da maıdannan oralmaǵan sarbazdyń deregi 80 jyldan keıin tabyldy.

BQO-da Sadyq Jaqsyǵulovty eske alýǵa arnalǵan dástúrli týrnır máresine jetti.

Sýret: Aıman Óteǵalıeva