BQO-da jarty tonnaǵa jýyq balyq tıelgen kólik ustaldy

ORAL. QazAqparat – Batys Qazaqstan oblysynda jarty tonnaǵa jýyq balyq tıep kele jatqan avtokólik ustaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa Aqjaıyq aýdany Chapaev aýyly mańynda Oral-Atyraý kúre jolynda boldy.

«Bekire» jedel aldyn alý sharasy barysynda 1986 jylǵy júrgizýshi aıdap kele jatqan «Folksvagen Sharan» avtokóligi toqtatyldy.

Tekseris barysynda júrgizýshiniń tıisti qujatsyz taban balyqty alyp kele jatqany anyqtaldy. Polıtseıler tárkilegen 480 kg balyq «Kaspıı Ýral» JShS-yna saqtaýǵa jiberildi.

Qazirgi kezde atalǵan derek boıynsha QR QK 196-baby 1-bóligine (kórineý qylmystyq jolmen tabylǵan múliktiıemdený nemese ótkizý) sáıkes sotqa deıingi tergeý amaldary júrgizilýde.

Eske sala keteıik, budan buryn BQO-da aǵaıyndy jigitterdiń uzaq ýaqyt boıy qujatsyz júrgenin jazǵan bolatynbyz.