BQO-da jarty mln teńge múlikti jymqyrǵan qyzmetker sottan qutyldy

ORAL. QazAqparat - Batys Qazaqstan oblysynda jarty mln teńge turatyn múlikti jymqyrǵan qyzmetker qylmystyq jaýapkershilikten qutyldy, dep habarlaıdy QazAqparat tilshisi.

BQO sotynyń baspasóz qyzmetinen túsken málimetke qaraǵanda, Bórli aýdandyq soty QR QK 188-baby 1-bóligi boıynsha aıyptalǵan A-ǵa qatysty iske núkte qoıdy.

Sotta anyqtalǵanyndaı, aıyptalýshy jaýapkershiligi shekteýli seriktestikterdiń birinde aǵash ustasy qyzmetin atqarǵan. Sonymen birge qoıma meńgerýshisiniń kómekshisi mindetin qosymsha atqaryp, 558 416 teńgeniń taýar-materıaldyq qundylyqtaryn urlaǵan.

Іsti qaraý barysynda qos tarap medıatsııa tártibimen tatýlasý týraly kelisimge kelip, soǵan sáıkes aıyptalýshy múliktik zalaldy ótedi.
QR QK 68-baby 1-bóligine sáıkes A. qylmystyq jaýapkershilikten bosatylyp, oǵan qatysty qylmystyq is toqtatyldy.
Qaýly zańdy kúshine engen joq.