BQO-da janýarlardan zardap shekkender sany 1 800-den asty
ORAL. KAZINFORM — Batys Qazaqstan oblysynda bıylǵy jeti aıda janýarlardan zardap shekken 1 803 adam medıtsınalyq kómekke júgindi.
BQO Sanıtarııalyq-epıdemıologııalyq baqylaý departamenti basshysynyń orynbasary Gúldana Kereevanyń málim etkenindeı, bul ótken jylǵy osy kezeńdegiden (1 607) edáýir kóbeıip otyr. Adamdar arasynda qutyrý aýrýy tirkelgen joq.
Gúldana Qaıyrjanqyzynyń sózine qaraǵanda, sonyń ishinde 1 250 adamdy ıt qapty.
- Janýarlardan zardap shekken jaǵdaıda dereý medıtsınalyq kómekke júginý mańyzdy. Sondaı-aq qutyrý aýrýyna qarsy ekpe jasatý qajet. Juqpaly dertterdiń taralýyn boldyrmaý – barshaǵa ortaq jaýapkershilik. Osy oraıda ýaqytyly ekpe alyp, jeke bas gıgıenasyn saqtap júrý de kerek, - dedi G.Kereeva.
Eske sala keteıik, budan buryn BQO-da qyzylshamen aýyrǵandar sany 300-ge jýyqtaǵanyn jazǵan edik.
Sondaı-aq BQO-da týberkýlez ben brýtsellezge shaldyqqandar sany kóbeıip otyr.
