BQO-da janarmaı stansasy mańynda avtokólik órtenip ketti

ORAL. QazAqparat – Batys Qazaqstan oblysynda janar-jaǵar maı stansasy mańynda avtokólik janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 7 qyrkúıek kúni Aqsaı qalasynda Qarashyǵanaq munaıgaz kondensaty kenishine kireberistiń birinde «Neftek» janar-jaǵar maı quıý stansasy aýdanynda boldy.

Saǵat 12.48-de Daeoo Nexia avtokóliginiń órtenip jatqany jóninde habar túsken.

«Tilsiz jaý» saǵat 12.57-de «Órt sóndirýshi» AQ BQO fılıaly 33-órt sóndirý bóliminiń kúshimen (7 adam, 1 tehnıka) aýyzdyqtaldy. Zardap shekkender joq.

Qazirgi kezde órttiń shyǵý sebebi, avtokólik ıesi, kináli adamdar, keltirilgen shyǵyn anyqtalý ústinde.

Eske sala keteıik, budan buryn Batys Qazaqstanda jalǵan vaktsına qujatyn paıdalanǵan adamnyń ustalǵanyn jazǵan bolatynbyz.