BQO-da jańadan tórt depýtat saılandy
ORAL. QazAqparat - Batys Qazaqstan oblysynda jergilikti máslıhattardaǵy shyǵyp qalǵandardyń ornyna jańadan depýtattar saılandy, dep habarlaıdy QazAqparat tilshisi.
Oblystyq saılaý komıssııasynan túsken málimetke qaraǵanda, №10 Borsy saılaý okrýgi boıynsha Jánibek, №11 Makarov saılaý okrýgi boıynsha Zelenov, №13 Qarasý saılaý okrýgi boıynsha Qaztalov jáne №6 Qyzylkól saılaý okrýgi boıynsha Shyńǵyrlaý aýdandyq máslıhatyna saılaý ótti.
Saılaý komıssııalarynyń jumysy bekitilgen kúntizbelik josparǵa sáıkes júrgizilip, tórt orynǵa 12 úmitker tústi. Olardyń segizi ózin-ózi usynsa, qalǵan tórteýi saıası partııanyń («Nur Otan») atynan dodaǵa qosyldy.
Saılaýshylardyń 90,30 paıyzy daýys berdi. Onyń barysyn saıası partııalar, qoǵamdyq birlestikter jáne senim bildirilgen adamdar esebinen 41 baıqaýshy, 7 BAQ ókili baqylap otyrdy.
Aldyn ala málimet boıynsha jergilikti máslıhattarǵa 4 depýtat saılandy. Olardyń bireýi - áıel, úsheýi - erler, ortasha jasy - 47.
Saılaý komıssııalaryna aryz-shaǵym túsken joq.
