BQO-da jańadan taǵaıyndalǵan eki sýdıa qyzmetine kiristi
ORAL. KAZINFORM — Batys Qazaqstan oblystyq sotynyń tóraǵasy Azat Іzbasarov plenarlyq otyrysta Qazaqstan Respýblıkasy Prezıdentiniń 1 qazandaǵy № 1511 Jarlyǵymen taǵaıyndalǵan sýdıalardy tanystyrdy.
BQO sotynyń baspasóz qyzmetinen málim etkenindeı, tóraǵa jańa sýdıalardy tanystyra otyryp, bul taǵaıyndaý kásibı biliktilikti moıyndaý ǵana emes, sonymen qatar qoǵam aldynda úlken jaýapkershilik júkteıtinin atap ótti.
Ol zań talaptaryn qatań saqtaý, táýelsizdik pen beıtaraptyq qaǵıdattaryn ustaný, sot tóreligin júzege asyrý sapasyn arttyrý, sondaı-aq sot júıesiniń ashyqtyǵyn qamtamasyz etýdiń mańyzdylyǵyna erekshe toqtaldy.
Baýyrjan Ýbın Oral qalalyq sotynyń sýdıasy bolyp jumysqa kiristi.
Baýyrjan Alpysbaıuly 1974 jylǵy 26 tamyzda Abaı oblysynyń Aıagóz qalasynda dúnıege kelgen. 1997 jyly Shyǵys Qazaqstan memlekettik ýnıversıtetin támamdaǵan.
1997-2009, 2013-2024 jyldary Shyǵys Qazaqstan oblysynyń prokýratýrasynda prokýror, aǵa prokýror, prokýrordyń orynbasary, aýdan prokýrory, qala prokýrory, 2010-2013 jyldary Shyǵys Qazaqstan oblystyq advokattar alqasynyń advokaty boldy.
2026 jylǵy 1 maýsym men 30 shilde aralyǵynda Oral qalalyq sotynda taǵylymdamadan ótken.
Syrym aýdandyq sotyna sýdıa bolyp Ýmıda Jetpisbaeva keldi.
Ýmıda Batyrbekqyzy 1986 jylǵy 25 qyrkúıekte Jambyl oblysynyń Jambyl qalasynda ómir esigin ashqan. 2008 jyly Q.A.ıAsaýı atyndaǵy Halyqaralyq qazaq-túrik ýnıversıtetin támamdaǵan.
2008-2009 jyldary Baızaq aýdandyq sotynyń bas mamany — sot otyrysynyń hatshysy, 2009-2017 jyldary Jambyl oblysy mamandandyrylǵan aýdanaralyq ekonomıkalyq sotynyń bas mamany — sot otyrysynyń hatshysy, 2017-2023 jyldary Jambyl oblysy boıynsha Sottar ákimshisi taldaý jáne josparlaý bóliminiń bas mamany boldy.
Sondaı-aq 2023-2026 jyldary QR Sot ákimshiligi Jambyl oblysy boıynsha departamenti uıymdastyrý-taldaý bóliminiń bas mamany bolyp qyzmet atqarǵan.
Eske sala keteıik, budan buryn BQO-da birqatar sýdıa men sot tóraǵalary taǵaıyndalǵanyn jazǵan edik.
