BQO-da jańadan máslıhat depýtattary saılandy
ORAL. QazAqparat - Keshe BQO máslıhattarynda ketkenderdiń ornyna jańa depýtattar saılandy, dep habarlaıdy «QazAqparat» HAA tilshisi.
Oblystyq saılaý komıssııasynan túsken málimetke qaraǵanda, №12 Pýgachev saılaý okrýgi boıynsha Bórli aýdandyq máslıhatyna jáne №4 saılaý okrýgi boıynsha Oral qalalyq máslıhatyna saılaý ótkizildi. Bos eki orynǵa alty úmitker at qosty.
Saılaýshylardyń belsendiligi baıqalyp, 8099 adam nemese tizimge engizilgenderdiń 70,23 paıyzy daýys berdi.
Saılaý qorytyndysynda Pýgachev saılaý okrýgi boıynsha «Kondensat» AQ bas ınjeneri Nurııa Mýfteeva Bórli aýdandyq máslıhaty bolyp saılandy. Oǵan saılaýshylardyń 88,8 paıyzy jaqtap daýys berdi.
Oblys ortalyǵynda «Nur Otan» partııasy Oral qalalyq fılıaly tóraǵasynyń birinshi orynbasary Muhtar Dáýletjanov 77,96 paıyz daýys jınap, qalalyq máslıhatqa saılandy.
«Olardyń ekeýi de - «Nur Otan» partııasynyń músheleri. Saılaý kezinde zańdylyqtyń buzylǵany jóninde aryz-shaǵym túsken joq», dedi «QazAqparat» tilshisine oblystyq saılaý komıssııasy tóraǵasynyń orynbasary Vıacheslav Inochkın.
