BQO-da jańadan depýtattar saılanbaq
ORAL. QazAqparat - 25 naýryz kúni Batys Qazaqstan oblysynda shyǵyp qalǵan máslıhat depýtattarynyń ornyna jańa músheler saılanbaq, dep habarlaıdy «QazAqparat» tilshisi.
BQO saılaý komıssııasynyń tóraǵasy Ǵaısa Qapaqovtyń aıtýynsha, №10 Borsy saılaý okrýgi boıynsha Jánibek, №11 Makarov saılaý okrýgi boıynsha Zelenov, №13 Qarasý saılaý okrýgi boıynsha Qaztalov, №6 Qyzylkól saılaý okrýgi boıynsha Shyńǵyrlaý aýdandyq máslıhatyna saılaý ótedi.
Atalǵan okrýgter boıynsha 12 kandıdat (bir orynǵa - úsh úmitkerden) dodaǵa túspekshi. Olardyń 8-i ózin-ózi usynsa, tórteýin «Nur Otan» partııasy báıgege qosyp otyr. Úmitkerlerdiń 10-y - er, ekeýi - áıel adamdar. Barlyǵy da - qazaqtar.
Qazirgi kezde úgit-nasıhat jumystary júrgizilip, saılaýshylar tizimi naqtylanýda. Saılaý komıssııalaryna aryz-shaǵymdar túsken joq.
