BQO-da jańa jyldyń alǵashqy kúnderi myńnan astam quqyqbuzýshylyq tirkeldi
ORAL. QazAqparat - Batys Qazaqstan oblysynda 31 jeltoqsan men 3 qańtar aralyǵynda BQO ishki ister departamentiniń jeke quramy kúsheıtilgen jaǵdaıda jumys jasady, dep habarlaıdy «QazAqparat» HAA tilshisi.
BQO ishki ister departamentiniń jergilikti polıtsııa qyzmetinen túsken málimetke qaraǵanda, osy kezeńde qoǵamdyq tártipti saqtaý men aldyn alý sharalaryna myńnan astam qyzmetker, sonyń ishinde Ulttyq ulan jaýyngerleri tartyldy.
Atalǵan kezeńde oblysta 1126 ákimshilik quqyqbuzýshylyq tirkelse, sonyń 11-i - usaq buzaqylyq, 217-si - spırttik ishimdik ishý nemese qoǵamdyq orynǵa mas kúıinde kelý, 125 adam ýaqytsha beıimdelý jáne ýytsyzdandyrý ortalyǵyna (medıtsınalyq aıyqtyrǵysh) jatqyzyldy. Sonymen qatar 855 jol erejesin buzýshylyqtyń joly kesilse, sonyń ishinde 17-si avtokólikti mas kúıinde aıdaǵany, 18-i jyldamdyqty shekten tys arttyrǵany, 26-sy kúńgirttelgen áınegi bar avtokóligine otyrǵany, úsheýi baǵdarshamnyń tyıym salǵan belgisin elemegeni úshin ustaldy.
Quqyq buzýshylardy bári tıisti ákimshilik jaýapqa tartyldy.
