BQO-da jańa teatr ult ustazyna arnalǵan spektaklmen ashyldy
Jańa ǵımarat sahnasynda dramatýrg Aqylbek Shaıahmettiń «Rýh» dep atalǵan esperımentti tragedııasy qoıyldy.
Qoıýshy rejısser – Ahmet Baıtursynuly medaliniń ıegeri Álibı Janábilov. Sýretshisi Baqtııar Jaqsymbetov. Ahmettiń rolinde dástúrli ánshi Kenesary Bolǵanbaev oınady.
Báıterek aýdanynyń ákimi Marat Toqjanov spektakl sońynda teatr ujymyna yqylas gúlin tabys etti, Qostanaıdan arnaıy kelgen pesa avtory Aqylbek Shaıahmetke shapan jaýyp, syı-sııapat kórsetti.
Oblysta buǵan deıin kásibı bir qazaq jáne bir orys teatry jumys istep kelse, «Shyń» – óńirdegi úshinshi kásibı teatr. Teatr keleshekte balalarǵa arnap qýyrshaq spektaklder qoıýdy da josparlap otyr.
Belgili aqyn, Qazaqstan Jazýshylar odaǵynyń múshesi, fılologııa ǵylymdarynyń kandıdaty, Ahmet Baıtursynuly atyndaǵy QÓÝ professory, Mahmut Qashqarı atyndaǵy túrki álemine sińirgen eńbegi úshin halyqaralyq syılyqtyń, «Alash» halyqaralyq ádebı syılyǵynyń laýreaty, Muhammed Haıdar Dýlatı atyndaǵy halyqaralyq ádebı syılyqtyń ıegeri Aqylbek Shaıahmetpen osy sapary barysynda Oral qalasynda Jáńgir han atyndaǵy Batys Qazaqstan agrarlyq-tehnologııalyq ýnıversıtetinde áserli kezdesý uıymdastyryldy.
Qostanaılyq qalamger, sondaı-aq Batys Qazaqstan oblystyq tarıhı-ólketaný murajaıynda, Qadyr Myrza Álı atyndaǵy mádenıet jáne óner ortalyǵynda, Pýshkınniń murajaı-úıinde jáne Báıterek aýdanyndaǵy Mıhaıl Sholohov saıajaıynda bolyp, oblystyń mádenı ortalyqtarymen tanysty.
