BQO-da jańa bıznes-ıdeıalarǵa beriletin grantty alaıaqtyqpen alǵandar anyqtaldy

Oral qalasynyń prokýratýrasy qalalyq jumyspen qamtý ortalyǵyn tekserý barysynda «Jańa bıznes-ıdeıalardy iske asyrýǵa arnalǵan granttar» memlekettik baǵdarlamasyn iske asyrý kezinde buzýshylyqtar anyqtady, dep habarlaıdy Kazinform agenttigi.

Máselen, granttyń 14 qatysýshysy aqshany maqsatty paıdalanýdy rastaý úshin buryn soıýǵa jiberilgen, týystaryna tirkelgen úı janýarlaryn satyp alý, usaq maldy satyp alý týraly jalǵan qujattardy, taýarlyq chekterdi usynǵan.

"Sondaı-aq, kásipkerlik qyzmetti júzege asyrmaǵan tulǵalar bıznes-jobany iske asyrý úshin granttar alǵany anyqtaldy.

Prokýrorlyq qadaǵalaý aktisin qaraý nátıjeleri boıynsha sot tártibimen 8 qatysýshydan 5,1 mln. teńge mólsherinde somany óndirip alý týraly talaptar qanaǵattandyryldy, 2 tulǵamen 2,4 mln.teńgeni qaıtarý týraly bitimgershilik kelisimder jasaldy, 4 tulǵamen memlekettik bıýdjetke berilgen granttardyń somasy erikti túrde ótelýde", - dep jazdy baqylaýshy organnan.

Búgingi tańda 6 tulǵa memlekettik bıýdjetke 4 mln. teńgeden astam somaǵa iske asyrylmaǵan granttardy qaıtardy.