BQO-da jalǵan dálel keltirgen sot sarapshysy sottaldy
ASTANA. KAZINFORM — Oral qalalyq soty Batys Qazaqstan oblysy boıynsha sot saraptamalary ınstıtýtynyń sarapshysy M.Jonysovqa kórineý jalǵan qorytyndy bergeni úshin úkim shyǵardy.
Sarapshy óz qorytyndysynda marqumnyń denesinde zaqym joq ekenin jáne máıittiń shirip ketýine baılanysty ólim sebebin anyqtaý múmkin emestigin kórsetken.
Alaıda deneni eksgýmatsııalaǵannan keıin, Astana mamandary júrgizgen komıssııalyq sot-medıtsınalyq saraptama kezinde marqumnyń tiri kezinde kóptegen dene jaraqattaryn alǵany, onyń ishinde qabyrǵa men astyńǵy jaq súıeginiń synýy anyqtaldy.
Aıyptalýshy kinásin moıyndamaǵanyna qaramastan, memlekettik aıyptaýshy onyń qylmysqa qatystylyǵyn rastaıtyn dálelder usyndy.
Sot bastapqy saraptama qorytyndysynyń naqty derekterge sáıkes kelmeıtinin jáne tergeý organdaryn adastyrǵanyn anyqtady.
M. Jonysov QR QK-niń 420-babynyń 1-bóligi boıynsha — «Sarapshynyń, mamannyń kórineý jalǵan aıǵaqtary» — kináli dep tanyldy. Oǵan 3 jyl 2 aı 12 kún merzimge bostandyǵyn shekteý túrindegi jaza taǵaıyndaldy.
Úkim áli zańdy kúshine engen joq.
Aıta keteıik, Almatyda bıýdjet qarajatyn jymqyrǵan jeke sot oryndaýshysy sottaldy.
