BQO-da zańsyz temeki men alkogol ónimderin satpaq bolǵan 4 adam ustaldy

ORAL. QazAqparat – Batys Qazaqstan oblysynyń tórt turǵyny zańsyz temeki men alkogol ónimderin satpaq bolǵan. Bul derekti Qarjy monıtorıngi agenttiginiń oblystyq departamenti tekserip jatyr, dep habarlaıdy QazAqparat agenttiktiń baspasóz qyzmetine silteme jasap.

Baspasóz qyzmetiniń málimetterine qaraǵanda, bir top tulǵalardan jalpy somasy 967,5 mln teńgeden asatyn 1,6 mln qoraptan astam temeki ónimderiniń iri partııasy, sondaı-aq zańyz esepke alý-baqylaý tańbalary bar alkogol ónimderi tárkilendi.

Zańsyz temeki buıymdaryn tasymaldaý Qyrǵyz Respýblıkasynan júzege asyrylyp, Oral qalasynda saqtalyp, satylǵan.

Sot úsh aıyptalýshyny bir jylǵa bas bostandyǵyn shekteý jazasyna kesti, taǵy bir aıyptalýshy 1000 AEK kóleminde aıyppul tóleıdi.

«Sot úkimine sáıkes, tárkilengen barlyq temeki men alkogol ónimderi joıylýǵa jatady»,-delingen habarlamada.