BQO-da zańsyz syıaqy alǵan sheneýnikti qyzmetinen bosatý usynyldy
BQO boıynsha sybaılas jemqorlyqqa qarsy qyzmet basshysy Rýstam Aqmyrzaevtyń qatysýymen ótken onlaın keńeste Bórli aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasy laýazymdy qyzmetkeriniń máselesi qaraldy.
BQO boıynsha sybaılas jemqorlyqqa qarsy qyzmet anyqtaǵanyndaı, atalǵan qyzmetker ótken jylǵy 26 jeltoqsanda jeke tulǵadan táttiler (kámpıt, tort) túrinde zańsyz syıaqy jáne ishinde ne jazylǵany belgisiz konvert alǵan.
Oǵan qosa qyzmetkerdiń bıznes ókilimen jumystan tys ýaqytta baılanysy tirkelgen. ıAǵnı onyń bıznes qyzmetin jandandyrý úshin múddesin qorǵaıtyndaı áreketter baıqalady, óıtkeni kezdesý búrkemelengen (qaǵazǵa jazý arqyly) túrde ótken.
Qylmystyq is qylmys quramynyń bolmaýyna baılanysty toqtatyldy.
Alaıda laýazymdy qyzmetkerdiń is-áreketterinde ózine jáne basqa adamdar paıdasyna qyzmet babyn paıdalaný belgileri baıqalady. Sondyqtan memlekettik qyzmetke kir keltirgen ony laýazymynan bosatý, al basshysyn qaraýyndaǵy qyzmetkeriniń sybaılas jemqorlyq áreketi úshin tártiptik jaýapkershilikke tartý usynyldy.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń málimeti boıynsha atalǵan qyzmetker qazirgi kezde eńbekke ýaqytsha jaramsyz.