BQO-da zańsyz saqtalǵan qarýdy satyp alýǵa 8 mln. teńge bólinip otyr

ORAL. QazAqparat - Batys Qazaqstan oblysynda turǵyndarda zańsyz saqtalǵan qarý men oq-dári jáne jarylǵysh zattardy satyp alýǵa respýblıkalyq bıýdjetten 8 mln. 034 myń teńge bólinip otyr, dep habarlaıdy «QazAqparat» HAA tilshisi.

BQO ІІD ákimshilik polıtsııa basqarmasynan túsken málimetke qaraǵanda, atalmysh shara respýblıka boıynsha 10 sáýirden bastalmaq. Syıaqy mólsherin belgileý kezinde komıssııalar qarý-jaraq zattarynyń tehnıkalyq jaı-kúıin eskerip, úsh sanatqa bólmek. Mysaly, avtomatty oıyq uńǵyly qarýlar úshin 100 AEK (1-sanaty úshin - 226900 teńge, 2-sanaty úshin - 158830 teńge, 3-sanaty úshin - 68070 teńge, vıntovka, karabınder úshin 50 AEK (1-sanaty úshin - 113450 teńge, 2-sanaty úshin - 79415 teńge, 3-sanaty úshin - 34035 teńge), tapansha, revolverler úshin 40 AEK (1-sanaty úshin - 90760 teńge, 2-sanaty úshin - 63532 teńge, 3-sanaty úshin - 27228 teńge) kóleminde syıaqy qarastyrylǵan. Osylaısha turǵyndar erikti túrde tapsyrǵan atys qarýlarynan bastap granat, mına, jarylǵysh qurylǵylary men zattary, artıllerııalyq snarıadtar jáne oq-dárige deıin tólenedi. Sonymen qatar krımınalıst-mamannyń qorytyndysy negizinde atys qarýy, oq-dári nemese jarylǵysh zat bolyp tabylmaǵan, esepte turǵan buıymdar men zattarǵa, qoldan jasalǵan oq-dárige syıaqy berilmeıdi.  

Eske sala keteıik, mundaı shara budan buryn da júrgizilgen bolatyn.