BQO-da zańsyz oıyn bıznesinen 4,9 mln teńge tabys tapqan turǵyn sottaldy
ORAL. QazAqparat – Batys Qazaqstan oblysynda zańsyz oıyn bıznesin uıymdastyryp, 4,9 mln teńge tabys tapqan turǵyn sottaldy, dep habarlaıdy QazAqparat tilshisi.
BQO prokýratýrasynyń baspasóz qyzmetinen túsken málimetke qaraǵanda, zańsyz oıyn bıznesin uıymdastyrý deregi Jańaqala aýdanynda anyqtalǵan.
D. degen azamat 2017 jyldyń jeltoqsany men 2019 jyldyń naýryzy aralyǵynda Jańaqala aýylyndaǵy «Bozbaev» kafesinde zańsyz oıyn bıznesin (keno, utys dóńgelegi, totalızator jánebasqa) uıymdastyryp, 4,9 mln teńge tabys túsirgen.
Atalǵan turǵyn buǵan ózi basshylyq jasaıtyn «Inbet.kz» býkmekerlik keńsesi» JShS arnaıy qural-jabdyqtaryn, kompıýterlik tehnıkalary men mamandaryn paıdalanǵan.
Jańaqala aýdandyq sotynyń úkimimen D. QR QK 307-baby 2-bóligi 3, 4-tarmaqtaryna (zańsyz oıyn bıznesin uıymdastyrý) sáıkes aıypty dep tanylyp, oǵan 1 mln 10 myń teńge aıyppul salynyp, múlki tárkilendi.
Sot úkimi zańdy kúshine endi.
