BQO-da zańsyz kıik aýlaýshylar ustaldy
ORAL. QazAqparat - Batys Qazaqstan oblysynda zańsyz kıik aýlaýmen aınalysqan brakoner ustaldy, dep habarlaıdy QazAqparat tilshisi.
QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildáhmettiń Feısbýktegi paraqshasynda jazǵanyndaı, 22 shilde kúni «Ohotzooprom» ÓB» RMQK Batys aımaqtyq fılıalynyń ınspektorlary Qaztalov aýdany Tereńkól aýyldyq okrýginde 1982 jylǵy I.M. degen azamat aıdaǵan «Folksvagen Passat» avtokóligin toqtatty.
Tekserý barysynda avtokólikten eki uńǵyly 12 kalıbrli myltyq, 12 kalıbrli 26 dana oq-dári, 12 kalıbrli 1 dana gılza, bir qoldy ara jáne 4 dana kıiktiń múıizderi tabyldy.
Atalmysh derek Qaztalov aýdandyq ishki ister bóliminde tirkelip, QR Qylmystyq Kodeksiniń 339-baby boıynsha qylmystyq is qozǵaldy.
