BQO-da zańsyz kıik aýlaýshyǵa sot úkimi shyqty
ORAL. QazAqparat - Batys Qazaqstan oblysynda kıikterdi zańsyz atyp alǵan azamatqa qatysty sot úkimi shyqty, dep habarlaıdy QazAqparat tilshisi.
BQO prokýratýrasynyń baspasóz qyzmetinen túsken málimetke qaraǵanda, R.Şerbının bıylǵy qyrkúıek aıynda Tasqala aýdany Mereke aýyldyq okrýgine qarasty Aqqus qystaǵynyń mańynda zańsyz bes kıik atyp alǵan. Kóp uzamaı ol kıikterdiń tutas etimen Tasqala aýylynyń tusynda ishki ister organy men prokýratýra qyzmetkerleriniń qolyna tústi.
Tasqala aýdandyq sotynyń úkimimen QR QK 337-baby 4-bólimi 2, 4-tarmaqtaryna sáıkes, R.Şerbının aıypty dep tanyldy. Oǵan 3 jylǵa ań aýlaý quqyǵynan aıyrýmen birge 2 jyl 6 aıǵa bas bostandyǵyn shekteý jazasy taǵaıyndaldy.
2 386,125 myń teńge materıaldyq zalaldyń tolyq kólemde óndirilýine baılanysty prokýrormen aıyptalýshynyń kinásin moıyndaý týraly protsessýaldyq kelisim jasaldy.
Sot úkimi zańdy kúshine engen joq.
