BQO-da zańsyz kıik aýlaýmen aınalysqan úsh turǵyn ustaldy
ORAL. QazAqparat - Batys Qazaqstan oblysynda zańsyz kıik aýlaýmen aınalysqan úsh turǵyn ustaldy, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, 9 shilde kúni Qaztalov aýdany aýmaǵynda «Soqyrshal» qystaǵy mańynan múıizderi kesilgen 6 kıik ushasy tabylǵan.
Іshki ister departamenti jergilikti polıtsııa qyzmetiniń tabıǵat qorǵaý polıtsııasy, «Ohotzooprom» RMQK ınspektorlary jáne Qaztalov, Bókeı ordasy aýdany ishki ister qyzmetkerleriniń birlesken is-qımyly nátıjesinde osy qylmysqa qatysy bar degen kúdikpen úsh turǵyn anyqtalyp, qolǵa tústi.
Qazirgi kezde Qaztalov aýdandyq ishki ister bólimi QR QK 337-baby 4-bóligine sáıkes (zańsyz ań aýlaý) sotqa deıingi tergeý amaldaryn júrgizýde.
Eske sala keteıik, budan buryn da Qaztalov aýdanynda kıik aýlaǵan brakonerlerdiń ustalǵanyn jazǵan bolatynbyz.
