BQO-da zańsyz kıik aýlaǵandar ustaldy
ORAL. QazAqparat - BQO ІІD jergilikti polıtsııa qyzmeti tabıǵat qorǵaý polıtsııasy bóliminiń qyzmetkerleri «Ohotzooprom» ÓB» RMQK ınspektorlarymen birlesip júrgizgen reıd barysynda qos turǵyn úsh birdeı kıiktiń basymen qolǵa tústi, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, 27 qazan kúni shamamen saǵat 04.00-de Jańaqala aýdany Máshteksaı aýyly mańynda 1986 jylǵy N. men 1987 jylǵy S. degen azamattar «Nıva» avtokóligimen ustalǵan. Olardan úsh kıik tekesiniń basy (múıizderimen), 16 kalıbrli qos uńǵyly ańshy myltyǵy, 26 dana oq-dári jáne pyshaq tárkilendi.
Atalǵan derek boıynsha QR QK 337-babyna (zańsyz ań aýlaý) sáıkes qylmystyq is qozǵalyp, tergeý amaldary júrgizilýde.
