BQO-da zańsyz kıik aýlaǵan turǵyn qolǵa tústi
ORAL. QazAqparat - 2 maýsym kúni saǵat 11.00-12.00 shamasynda Qaztalov aýdany Ájibaı aýylyna qarasty «Meráli» qystaǵynyń janynda zańsyz kıik aýlaǵan sol aýyldyń J. degen turǵyny qolǵa tústi, dep habarlaıdy «QazAqparat» tilshisi.
Aýdandyq ishki ister bóliminen túsken málimetke qaraǵanda, tekserý kezinde «Volkswagen Passat» avtokóliginiń ishinen ańshylyq qarý, múıizi kesilgen 1 bas kıiktiń ushasy jáne múıizi tabylyp, tárkilendi.
Kúni búgin atalmysh turǵynǵa qatysty QR QK 337-baby 4-bólimine sáıkes (zańsyz ańshylyq) qylmystyq is qozǵalyp, tergeý amaldary júrgizilýde.
Aıta keteıik, «Qyzyl kitapqa» engizilip, memleket qorǵaýyna alynǵan kıikter Batys Qazaqstanda negizinen osy Qaztalov jáne Jánibek aýdandaryn mekendeıdi.
