BQO-da zańsyz balyq aýlaǵan 20 brakoner ustaldy
ORAL. QazAqparat – Batys Qazaqstan oblysynda zańsyz balyq aýlaǵan 20 brakoner ustaldy, dep habarlaıdy QazAqparat tilshisi.
BQO polıtsııa departamentiniń bastyǵy Maqsuthan Ablazımovtyń aıtýynsha, oqıǵa Aqjaıyq aýdany Shabdarjap aýylynan úsh shaqyrym jerde 21 tamyz kúni oryn aldy.
Reıdtik sharalar kezinde saǵat 15.30 shamasynda Jaıyq ózeninde zańsyz balyq aýlaýmen aınalysqan 20 brakoner qolǵa tústi.
Oqıǵa ornyna Taıpaq polıtsııa bóliminiń jedel tergeý toby baryp, orman sharýashylyǵy jáne janýarlar dúnıesi aýmaqtyq ınspektsııasy qyzmetkerlerimen birlesip 12 qap qara balyq, 6 kerme aý jáne 4 qaıyqty taýyp, tárkiledi.
Alaıda tergeý sharalary kezinde Shabdarjap aýyly jaqtan 30 adam kelip, bılik ókilderine kúsh qoldanyp, jumystaryna kedergi keltirdi.
Sonyń saldarynan polıtsııa men tabıǵat qorǵaý vedomstvosynyń qyzmetkerleri jeńil dárejede túrli jaraqat aldy.
Oqıǵa ornyna Oraldan arnaıy top ta jetti.
«Qazirgi kezde zańsyz balyq aýlaý deregi boıynsha QR QK 335-baby 1-bóligine (balyq resýrstaryn, basqa da sý janýarlaryn nemese ósimdikterin zańsyz alý) sáıkes sotqa
deıingi tergeý amaldary júrgizilýde. Bul bap boıynsha bes jylǵa deıin bas bostandyǵynan aıyrý jazasy qarastyrylǵan. Oǵan qosa QR QK 380-baby 3-bóligine (bılik ókiline qatysty kúsh qoldaný) sáıkes tergeý bastaldy.
Zattaı aıǵaqtar alynyp, sot-medıtsınalyq saraptama taǵaıyndaldy. Tergeý tikeleı meniń baqylaýymda», dedi M.Ablazımov.
Sonymen qatar ustalǵandardyń basqa da osyndaı qylmystarǵa qatysy tekserilýde.
Eske sala keteıik, budan buryn Oralda avtokólik baǵanǵa soǵylyp, eki adamnyń mert bolǵanyn jazǵan edik.
