BQO-da zańsyz ań aýlaǵan úsh turǵyn sottaldy
ORAL. QazAqparat - Batys Qazaqstan oblysynda zańsyz ań aýlaǵan úsh turǵyn sottaldy, dep habarlaıdy QazAqparat tilshisi.
BQO prokýratýrasynyń baspasóz qyzmetinen túsken málimetke qaraǵanda, bıylǵy 16 maýsymda Bórli aýdany polıtsııasy «Audi» avtokóligimen Kırsanov memlekettik qoryqjaıyna baryp, erekshe qorǵalatyn elik janýaryn atyp alǵan úsh jigitti qolǵa túsirgen.
Aýdan prokýratýrasy qylmysty dáleldep, soǵan oraı sot otyrysy barysynda sottalýshylar prokýrormen protsestik kelisim jasaýǵa usynys berdi.
Sot úkimimen Aqsaı qalasynyń úsh turǵynyna QR QK 337-baby 4-bóligi 1-tarmaǵyna sáıkes zańsyz ańshylyq jasaǵany 600 saǵat túzeý jumysy belgilenip, 1,8 mln teńge materıaldyq shyǵyn óndirildi. Sondaı-aq qarý men avtokólik qylmys quraly retinde memleket menshigine tárkilendi.
