BQO-da zańsyz jumys istegen 10 ózbekstandyq azamatqa aıyppul salyndy

ORAL. KAZINFORM — Syrym aýdandyq sotynda QR Ákimshilik quqyq buzýshylyq týraly kodeksi 517-baby 5-bóligine sáıkes Ózbekstannyń 10 azamatyna qatysty 10 is qaraldy.

BQO sotynyń baspasóz qyzmetinen málim etkenindeı, ózbekstandyq azamattardyń 2025 jyldyń naýryz aıynda Buldyrty aýyldyq okrýginde qurylysta zańsyz, tıisti ruqsat almastan jumys istegeni anyqtaldy. 

Sotta quqyq buzýshylar óz kinálaryn moıyndap, jasaǵan is-áreketterine ókinish bildirdi.

- Sot qaýlylarymen atalǵan on azamat kináli dep tanylyp, olardyń árqaısysyna 98 300 teńge ákimshilik aıyppul salyndy. Qaýlylar zandy kúshine engen joq, - dep habarlady vedomstvodan. 

Eske sala keteıik, budan buryn BQO-da joldy kútip ustamaǵan mekeme basshysyna aıyppul salynǵanyn jazǵan bolatynbyz.