BQO-da zańsyz graffıtı salǵan jigit 5 táýlikke qamaýǵa alyndy
ASTANA. KAZINFORM – Jedel baqylaý ortalyǵy nyń kameralaryn zerdeleý kezinde Aqsaı qalasyndaǵy ǵımarattardyń biriniń qorshaýyna jas jigittiń zańsyz jazý jazyp turǵany anyqtaldy, dep habarlaıdy Polisia.kz.
Polıtsııa qyzmetkerleri dereý oqıǵa ornyna baryp, quqyq buzýshyny ustap, polıtsııa bólimine jetkizdi. Ol Aqsaı qalasynyń 19 jastaǵy turǵyny Aleksandr Aleksandrov bolyp shyqty.
Sot sheshimimen kináli dep tanylǵan azamat 5 táýlikke ákimshilik qamaýǵa alyndy. Zańsyz jazý joıyldy.
-Osy rette polıtsııa zańsyz jazýlar men graffıtı salý jaýapkershilikke ákep soǵatynyn eskertedi. Zań men tártip» qaǵıdaty — barshaǵa ortaq,-delingen habarlamada.
