BQO-da zańsyz aýlanǵan 400 kelige jýyq balyq tárkilendi
ASTANA. KAZINFORM — Óńirde «Bekire — 2026» jedel-profılaktıkalyq is-sharasy barysynda balyqty zańsyz tasymaldaý deregi anyqtaldy. Atyraý — Oral avtojolynyń 125-shaqyrymynda, Chapaevo aýyly mańynda polıtsııa qyzmetkerleri Toyota Estima kóligin toqtatqan. Bul týraly Polisia.kz jazdy.
— Tekserý barysynda júrgizýshiniń tıisti ruqsat qujattarynsyz 397 keli sazan jáne shortan balyqtaryn zańsyz tasymaldaǵany anyqtaldy. Osy derek boıynsha QR zańnamasyna sáıkes qylmystyq is qozǵaldy, — delingen habarlamada.
Qazirgi ýaqytta qajetti tergeý áreketteri júrgizilip jatyr. Aıta keteıik, óńirde atalǵan is-shara aıasynda 31 quqyq buzýshylyqtyń joly kesildi. Polıtsııa azamattardy zań talaptaryn saqtaýǵa jáne tabıǵı resýrstardyń zańsyz aınalymyna qatyspaýǵa shaqyrady.
Eske sala keteıik, buǵan deıin Batys Qazaqstanda Saryaıdyn kólinde balyq qyrylyp qalǵanyn jazǵan edik.
