BQO-da zańdastyrý kezinde taǵy eki kóliktiń izdeýde júrgeni anyqtaldy
BQO polıtsııa departamentiniń baspasóz qyzmetinen málim etkenindeı, 15 aqpan kúni turǵyndar «Toıota Kamrı» jáne «Ford Fıesta» kólikterin zańdastyrmaq bolǵan.
Alaıda atalǵan eki kólikti biri Reseıde, ekinshisi Belarýs elinde izdestirilýde ekendigi belgili boldy.
«Saqtalý qolhaty alynyp, mashınalar ıelerine qaldyryldy. Qazirgi kezde osy derek boıynsha QR QK 385-baby 3-bóligine (jalǵan qujattardy, mórtabandardy, mórlerdi, blankilerdi qoldan jasaý, daıyndaý nemese ótkizý, kórineý jalǵan qujatty paıdalaný) sáıkes qylmystyq is qozǵalyp, sotqa deıingi tergeý amaldary bastaldy. Barlyq tıisti saraptamalar taǵaıyndaldy», dep habarlady vedomstvodan.
Kúni búginge deıin oblysta 2802 avtokólik zańdastyrylsa, sonyń 2347-si nemese basym bóligi Reseıden ákelingen.
Eske sala keteıik, budan buryn BQO-da turǵynnyń izdestirilýde júrgen avtokólikti zańdastyrmaq bolǵanyn jazǵan edik.
Sondaı-aq Oralda joǵalyp ketken oqýshy qyz bes kúnnen keıin aman-esen tabyldy.