BQO-da WhatsApp arqyly 15 adamdy aldaǵan úsh alaıaq sottaldy
ORAL. KAZINFORM - 2025 jyldyń shilde aıynda Qaratóbe aýdanynyń prokýratýrasy «WhatsApp» aqparattyq júıesin paıdalanýshylardyń qarajatyn jymqyrýmen aınalysqan alaıaqtyq tobyn sotqa berdi, dep habarlaıdy Batys Qazaqstan oblysytyq sotynyń baspasóz qyzmeti.
Alaıaqtar Qazaqstan azamattarymen hat almasyp, ózderin týysqan retinde tanystyryp, túrli syltaýlarmen aqsha aýdartqan.
Alaıaqtyq shemaǵa dropper belsendi qatysty, onyń bank shoty arqyly shamamen 5 mıllıon teńge kóleminde aqsha qarajaty shyǵaryldy.
Sotqa deıingi tergep-tekserý barysynda olardyń ınternet-alaıaqtyqtyń 15 epızodyna qatystylyǵy anyqtaldy.
Jábirlenýshiler arasynda Batys Qazaqstan, Aqtóbe, Almaty, Jambyl, Qyzylorda, Túrkistan oblystarynyń, sondaı-aq Jetisý oblysy men Almaty qalasynyń turǵyndary bar.
-Sot úsh alaıaqtyń barlyǵyn kináli dep tanydy. Bıylǵy maýsymda olardyń ekeýi 3 jyldan 4 jyl 1 aıǵa deıingi merzimge bas bostandyǵynan aıyrýǵa, al bireýi 3 jyl merzimge bas bostandyǵyn shekteýge sottalǵan,-delingen habarlamada.
Osyǵan deıin Qostanaı oblysynda Sim-Box arqyly alaıaqtarǵa kómektesken jigittiń sottalǵany týraly jazdyq.
